Apresentada em Lisboa obra póstuma de Francisco Martins

30 de Junho de 2008

Tal como anunciamos em dias anteriores, umha delegaçom do Comité Central do nosso partido deslocou-se a Lisboa, respondendo ao convite da organizaçom comunista Política Operária, para participar no acto de apresentaçom da obra 'Os anos do silêncio', resultado da colaboraçom entre as editoras Dinossauro e Abrente.

No acto juntárom-se dúzias de militantes e simpatizantes da esquerda revolucionária portuguesa, para lembrar a figura de um dos grandes revolucionários do Portugal contemporáneo. Houvo umha ceia de confraternizaçom, seguida pola exposiçom fotobiográfica dedicada à trajectória vital de Chico Martins. Logo depois, foi projectado um vídeo de umha palestra para crianças pronunciada polo homenageado num centro de ensino, de temática feminista.

Finalmente, o historiador Miguel Cardina, investigador conimbricense especialista no percurso da esquerda revolucionária portuguesa, a militante da Política Operária e reconhecida feminista portuguesa Ana Barradas e o secretário-geral de Primeira Linha, Carlos Morais, apresentárom três testemunhos sobre a luita vital do homenageado, com a sala de actos da Biblioteca Museu República e Resistência, da capital portuguesa, lotada de camaradas e de emotividade na lembrança de Chico Martins.

Nos próximos dias esperamos poder oferecer a transcriçom das intervençons de Miguel Cardina, de Ana Barradas e de Carlos Morais no acto da passada sexta-feira em Lisboa.

 

Voltar à página principal