Galiza em tinta vermelha, novidade editorial -nom venal- da Abrente Editora

10 de Dezembro de 2008

Coincidindo com a saída do número 50 da publicaçom trimestral do nosso partido, Abrente, a estrutura editorial ligada ao mesmo acabou de lançar a ediçom nom venal de um livro que inclui umha selecçom de trabalhos publicados ao longo destes 12 anos, além da reproduçom das capas de todos os números publicados desde 1996.

Em concreto, foi seleccionado um texto de cada número, correspondente a cinqüenta autores e autoras diferentes, até completar um volume de mais de 500 páginas que também inclui a lista de autores e autoras junto aos títulos dos textos assinados por cada qual e a indicaçom do número em que fôrom publicados.

A obra, que nom se incorporará ao catálogo de livros à venda da Abrente Editora, tem umha tiragem reduzida e foi publicada como presente para os companheiros e companheiras, amigos e amigas que vam assistir à ceia-acto político-festa que decorre em Compostela no dia 20 de Dezembro. Com o livro, será oferecido, também gratuitamente, um CD com as cinqüenta ediçons digitais do Abrente.

Aproveitamos o ensejo para agradecer publicamente as numerosas colaboraçons que, da Galiza e do mundo, tenhem chegado ao longo de todos estes anos, possibilitando a publicaçom pontual do Abrente cada três meses. O contributo de todos eles e elas tem sido fundamental para permitir a continuidade do Abrente, e esperamos que continue a ser no futuro.

 

Voltar à página principal