Líder histórico da guerrilha colombiana foi homeneageado em Caracas, com participaçom galega

28 de Setembro de 2008

Tal como avançamos dias atrás, a delegaçom de compatriotas do Capítulo Galego da Coordenadora Continental Bolivariana participou na homenagem internacional a Manuel Marulanda, 'herói insurgente' que por fim conta com umha praça e umha estátua na capital da Venezuela, após um acto em que estivérom presentes numerosas delegaçons internacionais, além de representantes do movimento popular venezuelano e o presidente da Cámara Municipal de Caracas.

Durante o acto, foi descoberto um busto de Manuel Marulanda, líder histórico das FARC, enquanto soava o hino do grupo guerrilheiro colombiano. Umha placa na base do monumento contém a legenda "Manuel Marulanda Vélez 1930-2008, o herói insurgente da América de Bolívar".

Carlos Morais, dirigente do nosso partido e integrante da delegaçom galega presente no acto, deu leitura ao comunicado remetido por Alfonso Cano, da direcçom das Forças Armadas Revolucionárias da Colômbia - Exército do Povo.

Juan Contreras, da Coordenadora Simón Bolivar, Jul Yabur, do Partido Comunista da Venezuela, e Narciso Isa Conde, da Direcçom da Coordenadora Continental Bolivariana, tomárom a palavra num acto internacionalista promovido pola iniciativa popular, responsável pola construçom da praça e a colocaçom do monumento.

Os diferentes actos internacionalistas decorridos nestes dias em Caracas servírom também para dar a conhecer no seio dos movimentos populares do continente americano a existência de umha naçom sem Estado no ocidente da Europa chamada Galiza.

Mostramos a seguir algumhas imagens de informativos venezuelanos sobre o evento.

:: Mais informaçons sobre o mesmo tema

Delegaçom galega participa em Caracas na homenagem internacional a Manuel Marulanda. (+...)

Marzo 26 Día del Derecho Universal a la Rebelión Armada (Agência Bolivariana de Notícias). (+...)

Ficou inaugurado monumento em homenagem a Pedro Antonio Marin “Manuel Marulanda, Tirofijo”. (+...)

 

Voltar à página principal