Activa-se repressom judicial contra dous jovens que participárom, há dous anos, numha concentraçom solidária com a Palestina

12 de Setembro de 2008

Em Novembro de 2006, umha concentraçom em que participárom diferentes sectores da esquerda nacional galega protestou pola presença na sede de Fundación Caixa Galicia, em Compostela, de um ex-ministro sionista do Estado de Israel, Scholomo Bem-Ami. Agora, dous jovens detidos arbitrariamente naquela tarde tivérom conhecimento das acçons legais promovidas pola fiscalia contra eles.

AGIR, entidade à qual pertence um dos jovens, informa no seu site da iniciativa repressiva em curso, activada quase dous anos depois da convocatória solidária com o povo palestiniano. Daquela, a polícia espanhola detivo os dous jovens por mostrarem no interior da sede de Caixa Galicia, onde decorria a conferência, cartazes contra a política sionista.

A detençom prolongou-se durante cinco horas, após os insultos e pancadas no caminho à esquadra e à chegada às instalaçons policiais da capital da Galiza. Lembremos que na altura fôrom feitas públicas provas gráficas das agressons sofridas polos detidos, que agora som alvo de um inusitado pedido de condena por parte da fiscalia: nove meses de prisom e multa por supostos -e inexistentes- danos.

Queremos daqui denunciar a política repressiva do governo espanhol, que persegue o exercício de direitos fundamentais como o de manifestaçom e o de livre expressom, enquanto dá cobertura aos maus tratos policiais às pessoas detidas, como aconteceu em 2006 com os dous jovens solidários com a luita do povo da Palestina.

 

:: Mais informaçons sobre o mesmo tema

Estudantes detidos e agredidos pola polícia espanhola pedem reuniom com a reitoria da USC. (+...)

Estudantes detidos e maltratados pola polícia espanhola apresentam testemunho escrito e provas gráficas. (+...)

AGIR dá novos dados sobre a detençom de dous estudantes (+...)

Detençons e violência policial na concentraçom popular contra a presença de um ex-ministro sionista na Galiza (+...)

 

Voltar à página principal