Compostela: C.S. Henriqueta Outeiro organiza actividades em solidariedade com a Palestina

14 de Janeiro de 2009

Nos dias 16 e 20 de Janeiro, o Centro Social Henriqueta Outeiro, da capital da Galiza, organiza duas actividades em apoio ao povo palestiniano. A primeira decorre nesta sexta-feira, dous dias antes da mobilizaçom nacional contra o terrorismo sionista. Trata-se de mais umha ceia revolucionária das que mensalmente organiza o referido Centro Social, desta vez dedicada à cozinha palestiniana.

É a nona ediçom das ceias revolucionárias dedicadas cada vez a um povo diferente, a umha luita diferente. Por só 10 euros, a ceia palestiniana começa polas 21 horas e a ementa prevista é a seguinte:

Hummus bi tahina (pasta de gravanços com sésamo)

Maqluba (prato de arroz com beringelas e carne)

Kunafa (sobremesa palestina)

Pam e bebida

Admitem-se reservas nos números: 660 713 095 ou 881 979 561

Quatro dias depois, na terça-feira 20 de Janeior, a partir das 20 horas, no mesmo Centro Social haverá umha palestra de Mohamed Safa, médico palestiniano, activista da causa nacional do seu país e autor do livro "Palestina, tierra de luz y sombra".

Toda a informaçom sobre estas actividades está disponível no blogue do Centro Social Henriqueta Outeiro.

 

Voltar à página principal