Revira, centro social de Ponte Vedra, fai cinco anos

29 de Novembro de 2008

O Centro Social Revira, aberto no ano 2003 na cidade de Ponte Vedra, está de aniversário. Para a ocasiom, o colectivo que dinamiza as actividades nesse espaço monolíngüe e reintegracionista proponhem um programa de actividades com que afirmam a vitalidade do projecto.

Na próxima sexta-feira, dia 5, será inagurada a exposiçom "V anos", que mostrará no mesmo centro social as numerosas iniciativas desenvolvidas durante estes cinco anos ao serviço do movimento popular da comarca de Ponte Vedra. No mesmo dia, às 20 horas, terá lugar umha palestra sobre a realidade do processo revolucionário venezuelano, contando com a presença do coordenador da Associaçom Galega de Amizade com a Revoluçom Bolivariana, Xavier Moreda, e com o Cônsul da República Bolivariana da Venezuela na Galiza, Pedro Ugueto.

Mais tarde, umha ceia de confraternizaçom servirá para celebrar os cinco anos de actividade.

Já no dia seguinte, 6 de Dezembro, o grupo folc Lincorne protagoniza um concerto contra a Constituiçom espanhola, a partir das 10 da noite.

Parabenizamos todas as ponte-vedresas e ponte-vedreses que durante estes cinco ano figérom possível um projecto tam útil e necessário para a defesa da nossa língua, da nossa cultura e da participaçom popular como é o Centro Social Revira.

 

Voltar à página principal