Centro Social compostelano organiza debate sobre a Revoluçom Cubana

27 de Janeiro de 2009

A Assembleia Aberta do Centro Social Henriqueta Outeiro, ligado à esquerda independentista em Compostela, organiza para esta quinta-feira um debate sobre a realidade cubana, vista a partir do movimento social galego solidário com a Revoluçom e com participaçom do Cônsul Geral da República de Cuba na Galiza.

Além de Alejandro Fuentes, no acto estarám presentes Moncho Leal, da Associaçom de Amizade Galego-Cubana Francisco Villamil, e Alexandre Rios, jovem integrante da Brigada Fuco Gomes, que no passado Verao participou como brigadista numha viagem de trabalho solidário a Cuba com motivo dos 50 anos da Revoluçom.

O Centro Social Henriqueta Outeiro propom com este acto " achegar ao máximo os vínculos de fraternidade entre a pátria de Marti e a de Castelao, a de Fidel e a de Reboiras, a de Célia Hart e a de Lola Castro..." através da troca de informaçom sobre o processo e do testemunho de pessoas que conhecem em primeira pessoa os fenómenso em curso na ilha das Caraíbas.

O debate começa às 20h30 desta quinta-feira, dia 29 de Janeiro, no Centro Social situado na rua Quiroga Palácios nº 42 rés-do-chao de Compostela, à beira do bairro de Sam Pedro, entre Belvis e as Fontinhas.

 

Voltar à página principal