Explosom numha central de gás canadiana evidencia os riscos de Reganosa

13 de Agosto de 2008

O irracional projecto de REGANOSA em Mugardos, apoiado polos principais partidos institucionais (PP, PSOE e BNG) voltou a receber umha advertência, agora no Canadá. Na cidade de Toronto, umha central de gás muito mais pequena que a galega registou explosons e obrigou à evacuaçom de 1,6 quilómetros arredor da mesma.

Se bem só se produzírom umha morte, a desapariçom de umha pessoa e feridas em várias outras, o acidente provocou umha importante mobilizaçom de recursos de emergência, incluida a movimentaçom da populaçom residente em milhares de vivendas nas redondezas do depósito de propano que rebentou. Mais de 130 bombeiros fôrom levados ao lugar da explosom para controlar o incêndio produzido, sendo cortado o tránsito terrestre e aéreo na zona.

A central canadiana é de instalaçom recente e contava com a oposiçom vicinal pola sua localizaçom no interior da cidade. No entanto, e para dar ideia dos riscos que está a correr a populaçom em torno da central regasificadora de REGANOSA em Mugardos, há que ter em conta que a central canadiana era 3.000 vezes mais pequena.

Estamos perante mais um exemplo da inutilidade do suposto plano de emergência de REGANOSA e da realidade da grave insegurança que representa manter em activo a central no coraçom da ria de Ferrol.

Um espectacular vídeo amador de 30 segundos mostra o momento da explosom em Toronto:

:: Mais informaçom na imprensa canadiana:

Firefighter dies battling huge fire at propane depot. (+...)

Residents say propane facility had no place near houses. (+...)

PHOTO GALLERY: Toronto propane blast. (+...)

Voltar à página principal