Fraga e o PP dam cobertura a um alcaide condenado por abusos sexuais a umha menor

23 de Janeiro de 2004

O Partido Popular está a apoiar abertamente o alcaide do concelho de Toques, condenado polo Julgado nº 2 da Corunha por um delito de abusos sexuais contra umha menor. Trata-se de Jesús Ares, presidente da Cámara de Toques, que está a contar com a incondicional defesa do seu partido político em pleno. Manuel Fraga afirmou que "nom há motivo" para actuar contra Ares, ratificando que espera poder contar com ele para as próximas eleiçons municipais em 2007.

Também Jesus Palmou, secretário geral do PP na Galiza, declarou que "nom se pode pré-julgar", e que "agora memos nom parece que haja motivo para umha acçom imediata contra Ares".

O próprio Mariano Rajói, candidato a presidente do Governo espanhol polo PP, evitou qualquer comentário crítico contra o seu companheiro, afirmando desconhecer o caso.

 

Voltar à página principal