Sucesso dos actos de Nunca Mais-Valência no primeiro aniversário do Prestige
15 de Novembro de 2003

A Plataforma Nunca Mais em Valência (Países Cataláns) fijo-nos chegar a sua positiva avaliaçom dos actos organizados com motivo do primeiro aniversário do atentado do Prestige contra a Galiza. Na passada quinta-feira, umha centena de pessoas fijo umha marcha polo centro de Valência, com bandeiras e velas acompanhadas com a música de gaitas. Tratou-se de um emotivo acto que concluiu com a leitura do manifesto elaborado pola própria Plataforma em Valência, dedicado a analisar a situaçom de crise que ainda atravessa a nossa naçom um ano depois do desastre.

No sábado, as conferências organizadas contárom com umha assistência de por volta de 50 pessoas, que participárom num debate posterior à projecçom do vídeo "365 dias de dignidade". A seguir, visionou-se o tratamento mediático da crise nacional galega ao longo deste ano, um trabalho também elaborado pola Plataforma Nunca Mais de Valência. O sucesso do acto animou a organizaçom a repetir a projecçom na próxima sexta-feira, dia 20, às 24 horas, nas principais praças do centro da cidade.

 

Voltar à página principal