Lubiám e Rianxo, geminadas para potencializar o uso do galego
3 de Fevereiro de 2004
O Concelho galego sob administraçom castelhano-leonesa, oficialmente na província de Samora, Lubiám, geminará-se com o Concelho de Rianxo, localidade natal de Afonso Daniel R. Castelao, para potencializar o uso da nossa língua e fomentar as relaçons entre ambas as localidades. Este facto concretizará-se na realizaçom de intercámbios culturais e programaçom de actos conjuntos, tais como exposiçons, certames literários, visitas turísiticas, etc... Os plenários de ambos os concelhos aprovárom já esta iniciativa.
A ideia inicial
partiu da Mesa pola Normalización Lingüística, com
o objectivo de promocionar o galego-português na faixa oriental da Galiza.
A Mesa salientou o facto de em Lubiam a nossa língua ser falada
por mais de noventa por cento da populaçom, promovida também
pola própria Cámara municipal.
Felipe Lubiám,ex-presidente da Cámara de Lubiám e firme defensor da nossa língua e cultura, assinala que o irmanamento "é umha forma de cultivar umha cultura tradicional".
A Mesa,
por sua vez, anuncia a sua pretensom de estender esta iniciativa a outros
concelhos galegos hoje ainda fora dos límites da Comunidade Autónoma
Galega, sitos oficialmente em Leom, ou nas Astúrias, e aos concelhos
de fala galega da Estremadura espanhola.