Manifestaçom de solidariedade Galiza-Cuba
16 de Dezembro de 2003
Várias
centenas de pessoas secundárom a manifestaçom nacional que diferentes
colectivos de solidariedade, forças políticas e colectivos sociais
convocárom em Compostela no domingo 14 de Dezembro sob a legenda "Contra
as agressons imperialistas, agora e sempre com Cuba socialista".
A esquerda independentista
participou activamente na mobilizaçom com um bloco diferenciado em
que fôrom portadas faixas de NÓS-UP e AGIR.
As ameaças
do imperialismo ianque contra a Revoluçom Cubana tenhem-se incrementado
nos últimos meses coincidindo com a ofensiva facista do capital a escala
planetária plasmadas nas invasons do Afeganistám e o Iraque.
Tal como recolhemos do manifesto com que se encerrou esta manifestaçom, "a solidariedade com a Revoluçom Cubana converte-se numha obrigaçom moral de todas aquelas pessoas que, por diferentes motivaçons políticas, filosóficas ou éticas, sintam a necessidade de enfrentar a desordem e a injustiça imposta à humanidade polo imperialismo".
