Convocada manifestaçom nacional contra a violência machista

13 de Fevereiro de 2004

A Coordenadora Galega da Marcha Mundial das Mulheres convoca umha manifestaçom nacional para o próximo domingo, dia 15 às 12.30hs na Alameda, na cidade de Compostela, sob o mote: VIOLÊNCIA TEM GÉNERO, TAMBÉM TEM CÚMPLICES.

A convocatória realiza-se no contexto dos sucessivos casos de violência machista que se produzírom, ou se figérom públicos no nosso país nas últimas semanas e da cumplicidade que se despreende de algumhas declaraçons políticas e religiosas com essa violência, como som:

- As violaçons de duas moças na província de Ourense.

- A violaçom e posteriores ameaças de umha mulher na cidade de Ferrol.

- Os três casos de violência de género no Concelho de Oleiros.

- O caso de abusos a umha menor por parte do alcaide de Toques.

- O caso de assédio laboral e moral a umha trabalhadora no Concelho de Begonte.

- A morte a maos do seu filho de um vizinho de Ferrol acusado de agressons continuadas.

- As declaraçons do presidente da Junta da Galiza em relaçom ao caso de Toques.

- O documento feito público pola Conferência Episcopal [espanhola].

- A noticia feita pública nestes dias de que mais de 200 mulheres fôrom vítimas nos últimos anos das redes de traficantes na fronteira entre a Galiza e Portugal.

- Os contínuos assassinatos de mulheres e nenas que se levam produzindo desde que começou o ano no Estado espanhol.

 

Voltar à página principal