Galeguiza organiza umha conferência em Ponte Areas dedicada analisar o presente e futuro da comunidade lingüística galega

23 de Dezembro de 2003

Na próxima sexta-feira, dia 26 de Dezembro, decorrerá em Ponte Areas umha conferência, a cargo de Maurício Castro, dedicada a analisar a situaçom actual e as perspectivas para a comunidade lingüística galega. A palestra, organizada pola Associaçom Cultural GALEGUIZA, levará por título "A Galiza na encruzilhada: presente e futuro da comunidade lingüística galega", e começará polas 20'30 horas, no centro multiusos da vila do Condado.

Maurício Castro foi porta-voz do MDL entre os anos 96 e 98, e posteriormente presidente da Fundaçom Artábria da Terra de Trasancos. Autor de diversos trabalhos dedicados ao estudo e divulgaçom do nosso idioma com umha perspectiva reintegracionista e independentista, na actualidade exerce profissionalmente como professor de Português na Escola Oficial de Idiomas de Badajoz (Espanha).

Esta iniciativa vem somar-se a outras organizadas pola nova entidade cultural da comarca do Condado, que nos poucos meses que leva funcionando está a mostrar um grande dinamismo.

Voltar à página principal