Manifestaçom em Ponte Vedra contra a presença de ENCE-Celuloses
28 de Novembro de 2003

Convocada pola Associaçom Para a Defesa da Ria (APDR), hoje, dia 28 Novembro, o povo de Ponte Vedra voltará a sair às ruas para expressar o seu rechaço à indústria colonial e poluente. A manifestaçom sai da praça Ferraria, às 20:30 horas, sob a legenda: "ENCE-Caixa Galicia e o PP destruem o nosso futuro. Papeleira sim, mas nom aí".

Durante as últimas semanas, diferentes iniciativas populares promovêrom o rejeitamento à pretendida ampliaçom da planta de ENCE em Ponte Vedra. Porém, os sindicatos espanhóis, que ontem mesmo figérom reverência na sua adesom à Constituiçom espanhola ao filho do chefe de Estado e como tal responsável pola situaçom da classe trabalhadora que dim defender, já se posicionárom do lado dos empresários reclamando o alargamento. Também a central galega, a CIG, apoia como maioritária no Comité de Empresa semelhante proposta.

Por outra parte, o movimento popular, associaçons, intelectuais e outros sectores do povo pontevedrês apoiam a mobilizaçom de hoje, que sem dúvida levará milhares de pessoas à rua em defesa do meio natural galego.

Voltar à página principal