Exército sionista assassina seis palestinianos em Gaza, crianças incluídas
12 de Dezembro
Umha operaçom militar de Israel num campo de refugiados na Faixa de Gaza deixou seis palestinianos mortos e 16 feridos, incluindo crianças, de acordo com funcionários de um hospital local.
Segundo testemunhas, os soldados entrárom no campo e cercárom a residência de um suposto militante da organizaçom da resistência palestiniana Hamas.
Helicópteros militares apoiárom o avanço dos soldados na incursom no que foi a maior operaçom sionista em Rafah -na fronteira com o Egipto- nos últimos dous meses.
De acordo com testemunhas, a operaçom militar israelita desta quinta-feira contou com a participaçom de soldados em 20 veículos armados, inclusive tanques.
Funcionários
de um hospital em Rafah dixérom que dous dos feridos -inclusive um
meninho de 12 anos- fôrom internados em estado crítico.