Nona ediçom do concerto solidário de Treme a Terra em Pontedeume

5 de Janeiro de 2004

A associaçom Treme a Terra organiza mais um ano o seu concerto solidário. Desta vez, decorrerá no dia 16 de Janeiro polas 21.30 horas na pista polidesportiva ao pé da estrada N-6, na vila de Pontedeume.

Nesta ediçom, que fai a número nove, o concerto será "pola liberdade de expressom", e estará acompanhado de duas palestras. A primeira sob o título "Os meios de comunicaçom de massas, no dia 9 polas 21 horas, contará com a presença de Lino Brage (escritor), Luís Pardo (jornalista de Localia-Corunha) e Jesus Pinheiro (redactor do Diário de Arousa). A segunda será no dia 14 de Janeiro, polas 21 horas, e intitula-se "Nunca Mais. Expressom da cidadania", e contará com a participaçom de Francisco Peña (presidente da AC Alexandre Bóveda) e Xurxo Souto (cantante e membro de Burla Negra).

Finalmente, no mesmo dia do concerto, realizará-se um mural colectivo perto do citado recinto, dedicado ao mesmo tema que centra as actividades organizadas pola entidade eumesa.

Voltar à página principal