AGIR aumenta a sua representaçom nas universidades galegas

28 de Maio de 2004

A organizaçom estudantil da esquerda independentista, AGIR, aumentou a sua representaçom nos órgaos de governo das universidades de Compostela e Vigo. Na Universidade compostelana, conseguiu três claustrais (em Filologia, Físicas e Filosofia) e tinha um anteriormente. Ficárom perto mais três representantes em Educaçom, Psicologia e Biologia.

Em Vigo, o alunado elegeu dous representantes independentistas de AGIR (Económicas e Engenharia), e anteriormente nom tinha nengum. Um terceiro candidato ficou empatado mas nom foi eleito por ter menor idade que o correspondente rival.

A participaçom foi bem baixa, seguramente inferior aos 10%, tal como do costume, num modelo universitário em que as instituiçons promovem o afastamento e a passividade do estudantado da participaçom em defesa dos seus interesses.

Voltar à página principal