19.638 assinaturas: aval do povo galego à candidatura da esquerda independentista

8 Maio de 2004

A seguir, apresentamos informaçom pendurada por NÓS-UP no seu web sobre a conferência de imprensa que ofereceu ontem em Compostela para informar da exitosa campanha de recolha de assinaturas desenvolvida durante a última semana:

19.636 assinaturas: aval do povo galego à candidatura da esquerda independentista

Tal como adiantamos no dia 6 de Maio, NÓS-Unidade Popular conseguiu as assinaturas que a legalidade espanhola estabeleceu como obrigatórias para admitir candidaturas das organizaçons políticas que nom contam com 50 representantes institucionais.

Carlos Morais, Bruno L. Teixeiro e Íria Medranho, em representaçom da nossa organizaçom, apresentárom publicamente hoje ao meio-dia, na capital da Galiza, o número final de assinaturas recolhidas durante a última semana por parte da filiaçom e simpatizantes de NÓS-UP. Um número que ultrapassa sobejamente o requerido polo Estado espanhol, e que atinge concretamente as 19.638 assinaturas recolhidas. Estes quase vinte mil apoios suponhem o melhor aval para a presença de umha candidatura independentista e de esquerdas nas próximas Eleiçons europeias de 13 de Junho.

@s três companheir@s salientárom durante a conferência de imprensa o significado histórico desta exitosa campanha, que demonstra a existência de umha significativa fatia social na Galiza disposta a fazer frente às antidemocráticas imposiçons espanholas, reivindicando o direito do nosso povo à existência para além do estreito jogo domesticado da política institucional. NÓS-UP, que aceitou desde o primeiro momento um repto imposto polas instituiçons espanholas, confirmou durante estes dias de trabalho nas ruas e centros de trabalho e de ensino que essa Galiza rebelde existe. Cumpre é articulá-la à volta de um projecto verdadeiramente transformador e soberanista, como o que a nossa organizaçom aspira a representar.

Membros do Comité Eleitoral Nacional de NÓS-UP entregarám amanhá em Madrid a documentaçom à Junta Eleitoral Central espanhola, com o qual é de esperar que nos próximos dias se confirme a admissom da única candidatura 100% galega, independentista e de esquerdas, às próximas eleiçons de Junho.

Carlos Morais, Bruno L. Teixeiro e Íria Medranho concluírom a conferência de imprensa agradecendo o grande apoio popular recebido pola campanha das 15.000 assinaturas, o que fica mais que demonstrado com a consecuçom de quase 5.000 assinaturas por cima do número exigido. Também anunciárom que nos próximos dias a nossa organizaçom continuará a informar sobre todo o relativo à participaçom de NÓS-Unidade Popular nas Eleiçons europeias de 13 de Junho.

Galiza, 7 de Maio de 2004

 

:: Mais informaçons sobre a campanha polas 15.000 assinaturas em apoio à candidatura independentista:

NÓS-Unidade Popular superou as 15.000 assinaturas exigidas polo Estado espanhol (+...)

Campanha polas 15.000: Recolhidas em cinco dias mais de metade das assinaturas exigidas polo Estado espanhol (+...)

Bom ritmo na recolha de assinaturas em apoio à candidatura independentista para as Eleiçons europeias (+...)

NÓS-UP principia umha campanha para superar a barreira legal e poder apresentar candidatura às Eleiçons europeias (+...)

E no web de NÓS-Unidade Popular.


Voltar à página principal