A candidatura de NÓS-UP, entre as 33 publicadas no BOE

12 de Maio de 2004

O Boletim Oficial do Estado (BOE) de 12 de Maio publica as candidaturas inscritas às Eleiçons europeias. NÓS-UP é umha das 33 apresentadas nesta ocasiom, quatro menos que há quatro anos, aquando das eleiçons de 99. Naquela altura, umha das 37 acabou por ficar finalmente fora das 36 que concorrêrom às Eleiçons ao Parlamento europeu.

Tal como adiantou a própria NÓS-UP, a sua será a única lista integramente galega e com um programa nacionalista, antipatriarcal e inequivocamente de esquerda surgida da nossa naçom. De facto, a candidatura de NÓS-UP é formada só por trabalhadores/as e estudantes. Ao contrário que a outra lista com participaçom galega, NÓS-Unidade Popular descartou desde o início a coligaçom com forças estrangeiras, afrontando com as próprias forças as dificuldades de levar avante umha candidatura da esquerda independentista numhas condiçons adversas como as que impom o Estado espanhol. De facto, NÓS-UP viu-se obrigado a juntar, em pouco mais de umha semana, 15.000 assinaturas para poder inscrever a lista, o que finalmente conseguiu, como já informamos.

Primeira Linha em Rede tentará acompanhar a campanha de NÓS-Unidade Popular ao Parlamento europeu, informando das actividades e notícias que forem surgindo à volta da candidatura da nossa esquerda independentista. Também recomendamos a visita ao próprio web de NÓS-UP para obter informaçom directa da sua actividade eleitoral.


Voltar à página principal