Esquerda independentista em campanha: NÓS-UP cola os primeiros cartazes das Eleiçons europeias


28 de Maio de 2004

Dúzias de filiados, filiadas e simpatizantes independentistas protagonizárom o início de campanha para as Eleiçons ao Parlamento europeu de NÓS-Unidade Popular em diversos pontos da Galiza. É a primeira vez que o nosso independentismo se apresenta a umhas eleiçons como estas, com a particularidade de ir ser a única candidatura formada integramente por trabalhadores/as, jovens e mulheres galegos e galegas, e como tal nom subordinada a forças direitistas e estrangeiras.

Foi na meia-noite de 27 para 28 de Maio, de maneira simultánea em sete cidades do país. Na capital do nosso país, houvo um acto político na Porta do Caminho, com participaçom de umhas 80 pessoas e intervençom de Carlos Morais, membro da Direcçom Nacional de NÓS-UP. Em Vigo, umhas 40 pessoas reunírom-se na Porta do Sol no acto inaugural, com intervençom de Marinha Vasques Agra, número 2 da lista independentista. Em Ferrol fôrom 20 pessoas as que assistírom ao acto de colagem inicial de cartazes, com participaçom do Responsável Nacional de Organizaçom, Bruno Lopes Teixeiro. Na Corunha, Ramiro Vidal Alvarinho dirigiu-se às pessoas assistentes, e também Lugo, Ponte Areas e Ponte Vedra tivérom actos similares.


Voltar à página principal