Haverá candidatura da esquerda independentista galega às Eleiçons europeias de Junho

16 de Abril de 2004

NÓS-Unidade Popular anunciou a apresentaçom de umha candidatura independentista e de esquerdas, que provavelmente irá ser a única lista galega nas Eleiçons ao Parlamento europeu do mês de Junho. Reproduzimos a seguir o comunicado feito público por NÓS-UP anunciando a sua candidatura, que pode ser consultado também no seu actualizado web:

"NÓS-Unidade Popular apresentará candidatura às próximas eleiçons europeias

NÓS-Unidade Popular, organizaçom política da esquerda independentista galega, comunica ao Povo Galego a sua decisom de apresentar umha candidatura própria às eleiçons que o próximo 13 de Junho elegerám o novo Parlamento Europeu.

Após três anos de actividade política diária, ligada às luitas quotidianas das classes trabalhadoras, chegou o momento de avançar mais um passo e articular também eleitoralmente a alternativa patriótica, de esquerdas e feminista que unicamente NÓS-UP representa politicamente. O actual contexto da construçom europeia, em pleno processo constituinte, acrescenta mais ainda a necessidade que Galiza tem de fazer valer os direitos históricos que como naçom europeia lhe correspondem.

Após a conformaçom das alianças já estabelecidas entre os distintos partidos políticos, temos que anunciar que NÓS-UP será com toda a probabilidade a única candidatura galega que concorrerá às eleiçons, assim como a única candidatura inequivocamente de esquerdas com o centro no nosso país.

Proximamente daremos mais detalhes da candidatura e a campanha que apresentaremos ao povo trabalhador galego."

 

Voltar à página principal