Iniciativas culturais de Galeguiza no Condado

7 de Abril de 2004

A Associaçom Cultural Galeguiza, da comarca do Condado, vem desenvolvendo importantes iniciativas culturais de base desde a sua recente criaçom, apostando claramente polo reintegracionismo e a cultura popular. A seguir, reproduzimos as informaçons remetidas pola citade entidade em relaçom com próximos eventos que organiza:

1º CURSO DE PANDEIRETA.- Data de começo: dia 16 de Abril do 2004. Duraçom entre dous e três meses. Lugar: Auditório Reveriano Soutulho. Às Sextas-Feiras, de 20:30 a 22 horas. Inscriçom: 15 euros todo o curso. Para inscrever-se ligando para os telefones 986644656 ou 655090704, ou entom no correio electrónico galeguiza@hotmail.com.

FESTA DOS MAIOS 2004.- No domingo dia 9 de Maio, GALEGUIZA vai organizar, pola primeira vez em Ponte Areas, a FESTA DOS MAIOS. Trata-se de recuperar umha tradiçom cultural que vem de muito longe. A intençom de GALEGUIZA é organizar o que é a confecçom dos maios, achegando os materiais necessários e as estruturas de madeira, para depois os nenos e as nenas poderem participar na sua elaboraçom e decoraçom. A ideia é quando menos serem realizados dous ou três maios. O acto celebrará-se no domingo dia 9 de Maior a partir das 10 horas da manhá. Nos dias anteriores, organizarám-se saídas ao campo para procurar flores e verde. GALEGUIZA porá-se em comtacto com os colégios e as associaçons da zona para que estes podam participar com o seu próprio maio. Possivelmente também se organize um concurso de maios entre os distintos colégios e associaçons da zona. No dia 9 de Maio, haverá também música popular. O lugar de celebraçom será a praça Maior ou o Parque das Pombas e, no caso de chover, no Pavilhom do Colégio das Freiras ou no Auditório.

GALEGUIZA está a confeccionar umha carta explicativa da festa dos Maios para a remeter aos colégios e associaçons e editaá um díptico informativo para toda a vizinhança de Ponte Areas.

A dia de hoje, GALEGUIZA está a espera de manter umha junta com o Concelheiro da Cultura para informar e resolver os assuntos da Festa e as ajudas que se podam acordar.

 

Voltar à página principal