VIII Jornadas Independentistas Galegas: 80 aniversário da morte de Lenine

Compostela, 4, 5, 6 e 7 de Maio de 2004

As Jornadas Independentistas Galegas, que o nosso partido leva realizando de forma ininterrompida desde 1997, estám centradas este ano na comemoraçom do 80 aniversário da morte de Vladímir Ilich Uliánov, mais conhecido como Lenine, figura chave na organizaçom do marxismo no contexto autocrático russo da viragem dos séculos XIX para XX, além de principal dirigente do movimento revolucionário que levou ao poder ao Partido Bolchevique em 1917.

Com estas Jornadas de carácter monográfico, Primeira Linha pretende:

1º- Reivindicar a sua figura e o seu legado teórico-práctico.

2º- Recuperar as posiçons da corrente leninista e da marxista revolucionária em geral como firme e indubitável defensora do direito de Autodeterminaçom.

Queremos constatar e reivindicar umha evidência que a esquerda chauvinista espanhola nega e oculta: o marxismo nom é contrário, mas sim favorável à emancipaçom e liberdade dos povos. Lenine foi umha das figuras históricas desta corrente que mais tem reflectido sobre a questom nacional e defendido o direito de Autodeterminaçom como umha das tarefas primordiais de qualquer programa socialista, combatendo o chauvinismo implantado nas forças de esquerda das naçons opressoras.

Programa

- Terça-feira 4 de Maio. Actualidade do modelo de partido leninista, por Justo de la Cueva, comunista da Rede Basca Vermelha.

- Quarta-feira 5 de Maio. Leninismo e autodeterminaçom, por André Seoane Antelo, membro do Comité Central de Primeira Linha

- Quinta-feira 6 de Maio. O pensamento político de Lenine a debate, com:

Antón Dobao, membro das Redes Escarlata.
Domingos Antom Garcia Fernandes, filósofo.
Francisco Martins, director da revista comunista portuguesa Política Operária.

- Sexta-feira 7 de Maio. Projecçom do filme-documentário “Três cantos a Lenine” (Tri pesni o Lenine) de Dziga Vertov. Produzido em 1934. Em 58 minutos, aborda os momentos mais decisivos da sua vida.

Os actos terám lugar a partir das 20.30 horas no Centro Social Henriqueta Outeiro, na rua Quiroga Palácios 42 rés-do-chao de Compostela.


:: Crónica das VIII Jornadas Independentistas Galegas (+...)

 

Voltar à página principal