Crónica das VIII Jornadas Independentistas Galegas

8 de Maio de 2004

Na passada sexta-feira concluírom as VIII Jornadas Independentistas Galegas que o nosso Partido organiza anualmente. Desta vez, a figura de Lenine centrou as palestras e debates, que contárom com a participaçom de camaradas galeg@s, basc@s e portugueses entre os dias 4 e 7 de Maio.

A representaçom galega correspondeu a Domingos A. Garcia Fernandes, filósofo ponte vedrês, que com o também galego Antón Dobao e o camarada português Francisco Martins, director da revista marxista Política Operária, analisárom o pensamento de Lenine num rico e participativo debate, no dia 6.

O militante comunista e abertzale basco Justo de la Cueva visitou novamente o nosso País, para pronunciar desta vez umha conferência dedicada a avaliar a vigência do modelo leninista de Partido, enquanto André Seoane Antelo, camarada membro do Comité Central de Primeira Linha, participou com umha exposiçom sobre o leninismo e a autodeterminaçom, em que foi reivindicado o carácter vanguardista do pensamento de Lenine quanto ao direito das naçons à autodeterminaçom e à independência.

A seguir, oferecemos algumhas imagens do desenvolvimento das diversas palestras e debates, decorridos no Centro Social Henriqueta Outeiro, de Compostela.

 



Voltar à página principal

 

 

Dous momentos da conferência de Justo de la Cueva, sobre a vigência do modelo leninista de partido

Diversas imagens do debate sobre o pensamento de Lenine, com a participaçom de Antón Dobao, Francisco Martins e Domingos A. Garcia, e Carlos Morais na funçom de moderador
Intervençom de André Seoane, na quarta-feira