André Seoane representou NÓS-UP na manifestaçom contra a ilegalizaçom de HZ em Bilbau

[Informaçom tirada do web de NÓS-Unidade Popular]

30 de Maio de 2004

André Seoane participou ontem na multitudinária manifestaçom e no acto político convocados em Bilbau (Euskal Herria) contra a anulaçom da candidatura independentista basca de Herritarren Zerrenda. Seoane transmitiu aos bascos e bascas a solidariedade da esquerda independentista galega com a esquerda abertzale ante a nova agressom do Estado espanhol, que proíbe a livre participaçom eleitoral a dezenas de milhares de bascos e bascas.

A arbitrariedade espanhola fica a nu ao comprovarmos que do lado basco sob administraçom francesa sim será possível a HZ apresentar candidatura. Representantes de Herritarren Zerrenda pedírom dias atrás pronunciamentos públicos das forças nacionalistas das naçons sem Estado do Estado espanhol, citando expressamente o BNG. Por enquanto, nem o BNG nem CiU denunciárom a manobra do Governo espanhol sob a batuta do PSOE.

NÓS-UP, que fijo público dias atrás um comunicado de denúncia e solidariedade ante semelhante ataque aos direitos civis no País Basco, levou às ruas de Bilbo a sua solidariedade com a esquerda independentista basca.


Voltar à página principal

 

 

Cartaz da convocatória de Bilbau, contra a ilegalizaçom de Herritarren Zarrenda