Avança a heróica resistência do povo iraquiano

26 de Abril de 2004

A resistência iraquiana continua avançando na expulsom das forças de ocupaçom imperialistas com umha crescente contundência e efectividade. Nesta mesma manhá, ao menos dous marines ianques fôrom mortos e mais quatro feridos no ataque a um conjunto de veículos militares norte-americanos em Bagdad. Umha potente bomba rebentou quatro viaturas "Humvee" de fabrico ianque, que ficárom destruídas. Segundo pudo ser visto na televisom, seguiu-se a celebraçom popular das massas, enquanto os militares estado-unidenses evacuavam mortos e feridos sob as pedras lançadas pola orgulhosa populaçom iraquiana.

Ontem foi também atacado a tiros o veículo em que viajava o presidente búlgaro, Gueorgui Parvanov, em Kerbala. O dirigente capitalista, que empreendeu no passado fim de semana umha viagem surpresa, safou-se finalmente da acçom guerrilheira.

Entretanto, Fallujah e Nayaf continuam sob domínio da resistência durante mais de umha semana, submetidas a um cerco contínuo das tropas ocupantes, que impedem o acesso à populaçom de ambas cidades.

O comando dos EUA receia que o assalto a ambas cidades provoque umha insurreiçom generalizada que sem dúvida acabaria por correr do país de vez as tropas imperialistas. Apesar dos cessar-fogos acordados, soldados ocupantes continuam a disparar com todo o tipo de armamento contra a populaçom civil das cidades libertadas. Som centenas o número de iraquianos mortos na defesa de Fallujah e Nayaf frente às tropas ocupantes, finalmente expulsas de ambas cidades polo heróico povo iraquiano.

O reforço das posiçons guerrilheiras é evidente, apesar das carnificinas que continuam a protagonizar as forças armadas ocupantes, dotadas da mais moderna tecnologia militar, mas incapazes de derrotar um povo em luita pola liberdade.

 

Voltar à página principal

 

 

Cada golpe da resistência às forças invasoras é massivamente celebrado pola populaçom nos quatro cantos do país