Campanha polas 15.000: Recolhidas em cinco dias mais de metade das assinaturas exigidas polo Estado espanhol

30 de Abril de 2004

NÓS-Unidade Popular pendurou no seu sítio web novas informaçons relativas ao desenvolvimento da procura de assinaturas em apoio à candidatura independentista às Eleiçons de Junho. Reproduzimos os novos dados feitos públicos por NÓS-UP:

Campanha polas 15.000: Recolhidas em cinco dias mais de metade das assinaturas exigidas polo Estado espanhol

A campanha promovida por NÓS-Unidade Popular para conseguir 15.000 assinaturas antes do dia 10 de Maio, tal como a Lei espanhola exige às organizaçons políticas sem representaçom institucional para poderem participar nas Eleiçons europeias, continua avante.

Em cinco dias, o importante trabalho da filiaçom e de numeros@s simpatizantes está a tornar cada vez mais próxima a consecuçom do objectivo marcado. Mais de metade das assinaturas exigidas polo Estado espanhol estám já recolhidas. Porém, restam ainda vários milhares de assinaturas por conseguir, e é importante que o trabalho continue ao mesmo ritmo.

Animamos todas as pessoas anónimas interessadas em apoiar a nossa iniciativa para recolherem folhas de assinaturas nos centros sociais e outros locais incluídos no web e material gráfico da campanha. Só assim poderemos contar com a assinatura do maior número possível de pessoas e umha diversificada representatividade geográfica nacional.

A campanha que entre todos e todas estamos a desenvolver outorgará umha importante legitimidade política à esquerda independentista como força imbricada no seio da sociedade galega. Quantas mais assinaturas conseguirmos, mais difícil será que o Estado espanhol poda arranjar qualquer treta com que afastar-nos da concorrência eleitoral.

Agradecemos mais umha vez a colaboraçom dos diversos sectores progressistas que, dando mostras de umha firme consciência de país e insubornáveis convicçons democráticas, apoiam o direito da esquerda independentista galega a participar nas Eleiçons de 13 de Junho.

Avante polas 15.000!

:: Mais informaçons sobre a campanha polas 15.000 assinaturas em apoio à candidatura independentista:

Bom ritmo na recolha de assinaturas em apoio à candidatura independentista para as Eleiçons europeias (+...)

NÓS-UP principia umha campanha para superar a barreira legal e poder apresentar candidatura às Eleiçons europeias (+...)

E no web de NÓS-Unidade Popular.


Voltar à página principal