NÓS-Unidade Popular superou as 15.000 assinaturas exigidas polo Estado espanhol

6 de Maio de 2004

NÓS-UP acabou de anunciar publicamente que o objectivo de atingir as 15.000 assinaturas para poder apresentar candidatura às Eleiçons europeias foi conseguido. Sexta-feira, em conferência de imprensa, serám oferecidos todos os dados sobre a importante campanha desenvolvida durante a última semana. De Primeira Linha, damos os nossos parabéns a NÓS-UP e ao conjunto da base social independentista por esta vitória, e oferecemos a seguir a informaçom adiantada no seu web pola organizaçom unitária da esquerda independentista:

"A esquerda independentista superou as 15.000 assinaturas exigidas polo Estado espanhol

Quatro dias antes de se cumprir o prazo imposto polo Estado espanhol para que NÓS-Unidade Popular apresente as 15.000 assinaturas exigidas e poder assim legalizar a candidatura independentista galega às Eleiçons europeias, podemos já confirmar que esse número foi superado.

Nestes momentos, está a realizar-se a contagem pormenorizada dos milhares de assinaturas recolhidas, mas a cifra de 15.000 foi ultrapassada sem dúvida nengumha.

NÓS-UP oferecerá umha conferência de imprensa na próxima sexta-feira, dia 7 de Maio, e nela serám apresentadas publicamente as assinaturas e serám oferecidos todos os dados relativos à exitosa campanha desenvolvida pola nossa organizaçom durante a última semana.

A seguir, no sábado dia 8 de Maio, umha delegaçom de NÓS-UP entregará toda a documentaçom necessária à Junta Eleitoral Central espanhola, em Madrid, com o objectivo de podermos finalmente garantir a apresentaçom de umha candidatura 100% galega, da esquerda independentista, às Eleiçons europeias de 13 de Junho.

Adiantamos já o nosso agradecimento aos milhares de galegos e galegas que dérom o seu apoio à iniciativa de NÓS-Unidade Popular. O seu compromisso democrático e o grande trabalho da filiaçom e simpatizantes da nossa organizaçom é sem dúvida a melhor resposta à antidemocrática barreira legal colocada polo Estado espanhol.

Galiza, 6 de Maio de 2004"

 

:: Mais informaçons sobre a campanha polas 15.000 assinaturas em apoio à candidatura independentista:

Campanha polas 15.000: Recolhidas em cinco dias mais de metade das assinaturas exigidas polo Estado espanhol (+...)

Bom ritmo na recolha de assinaturas em apoio à candidatura independentista para as Eleiçons europeias (+...)

NÓS-UP principia umha campanha para superar a barreira legal e poder apresentar candidatura às Eleiçons europeias (+...)

E no web de NÓS-Unidade Popular.


Voltar à página principal