Eleiçons na USC: Já basta de manipulaçom pré-eleitoral

Reproduzimos o comunicado conjunto de AGIR, Piratas da Ria, MARE e Estudantes Independentes em relaçom com as actividades eleitorais dos sindicatos amarelos no seio do estudantado:

Já basta de manipulaçom pré-eleitoral

Justo agora, nos dias de campanha eleitoral prévios a 27 de Maio, dia em que terám lugar as eleiçons aos órgaos colegiados de representaçom e governo da U.S.C., vemos aparecer umha morea propagandística de sindicatos “estudantis” que che pedem o voto. Da maioria deles, só ouves falar em épocas de eleiçons. Mas, no resto do ano, saberias dizer que trabalho realizárom esses grupos em favor do estudantado? Tu conheces as luitas de FICUS, IESGA, AUGE, CUNCA e outros sindicatos amarelos, agora que che solicitam o voto, em prol dos teus direitos? É hora de que @s alun@s saibam por que há tantos grupos para os quais só contamos em época de eleiçons estudantis...

Algumha destas organizaçons ditas “estudantis” fôrom criadas pola ex- Vice- Reitora Blanca Ana Roig, pertencente à anterior equipa reitora encabeçada por Darío Villanueva; graças a essa equipa, a USC foi acumulando a maior parte da dívida externa que hoje em dia possui (50.000.000 EUROS), que será feita pagar às alun@s (matrículas mais caras, privatizaçom das residências universitárias que nom sejam fechadas...). Reitores, Vice-Reitores e Decanos precisam que a escasa percentagem de representaçom que as leis educativas do “democrático” Estado espanhol (LOU) concedem ao estudantado seja ocupada por alunos / as que eles poidam controlar directamente, ordenando-lhes em quem, que e como devem votar em cada momento.

A actual Vice-Reitora de Estudantes, Elena Vázquez Cendón, é a chefa “de facto” de organizaçons amarelas tais como FICUS e IESGA, dirigindo as suas actuaçons no Claustro da USC, como tod@s @s presentes pudemos comprovar nas diferentes reunions do dito órgao.

Tu sabias que FICUS, IESGA e outros sindicatos amarelos votárom em favor dos actuais estatutos da USC, os culpados de se aplicar a LOU na nossa universidade? Nom diziam serem contra a LOU, quando o alunado galego se opunha massivamente nas ruas à sua aplicaçom?

Neste ano académico, a equipa reitora actual está a fechar residências universitárias. Tu, estudante que vas pagar (que estás a pagar já) as conseqüências da progressiva privatizaçom da USC, sabias que FICUS e IESGA, que agora che pedem o teu apoio, votárom contra a emenda número 265 ao projecto estatutário (artigo 154, alínea 1, linha 6),em que se incluía a assunçom obrigatória do compromisso, por parte da USC, de “eliminar as dificuldades de acesso à vivenda por parte do estudantado”?

Queres votar em quem te está a botar?

NOM VOTES EM CONFORMISMO
VOTA EM LUITA

Assinam: Piratas da Ria, AGIR, MARE, Estudantes Independentes


Voltar à página principal