Importante incremento das visitas a Primeira Linha em Rede

5 de Abril de 2004

Durante o recém findado mês de Março, Primeira Linha em Rede experimentou um importante incremento nos diversos parámetros atinentes ao número de visitas. A tendência à alta é praticamente constante e estável desde a inauguraçom do nosso web, a 31 de Maio de 2002. Das pouco mais de 1.000 visitas naquele primeiro mês, chegamos neste último mês de Março às 21.928 visitas.

Em concreto, 13.217 computadores distintos acedêrom a um total 110.776 páginas, com umha média de 5'05 páginas vistas por cada visitante. Se nos referirmos aos chamados hits visitados ou descarregados (páginas + gráficos + arquivos de diverso tipo), o número total no mês passado foi de 235.476). A média de visitas diárias foi de 707'23.

Para apreciarmos a dimensom do incremento, temos que saber que o recorde anterior de visitas tinha sido em Maio de 2003, com 14.879 visitas de 9.311 computadores diferentes, com umha média diária de 479'77 visitas.

Deste jeito, Primeira Linha em Rede converte-se num dos espaços de contrainformaçom mais visitados na Galiza, com umha clara progressom quanto a acolhida por parte dos e das internautas galegas. Além do possibilitarmos o acesso a umha informaçom rigorosa e comprometida com os interesses populares no seio do povo galego, o nosso web é um dos principais a apostar na socializaçom do uso de um galego dignificado e reintegrado no ámbito a que por história e conveniência futura pertence.

Além de parabenizarmos a militáncia do nosso Partido polo importante labor desenvolvido neste ámbito a partir dos acordos tomados no nosso III Congresso (2001), aproveitamos para agradecer a colaboraçom de simpatizantes e outras pessoas que nos enviam informaçom, colaboraçons e sugestons diversas que ajudam a melhorarmos a qualidade deste web marxista da esquerda independentista galega.

Voltar à página principal