Sexto aniversário da abertura do Centro Social da Fundaçom Artábria

23 de Setembro de 2004

Na seqüência da comemoraçom do sexto aniversário do que foi centro social pioneiro do reintegracionismo de base, A Fundaçom Artábria dedicou o mês de Setembro a umha intensa sucessom de actividades culturais na Terra de Trasancos.

Animando aos sectores populares comprometidos com a nossa língua a assistirem, oferecemos as actividades programadas para este mesmo fim de semana no centro social da Artábria, sito na Travessa de Batalhons, no bairro de Esteiro, em Ferrol:

Sexta-feira 24 de Setembro, às 20 horas

Concerto de música folc com o grupo da comarca "Imos Indo".

Sábado 25 de Setembro, polas 21:00 horas

Actuaçom de Maria Manuela, intérprete trasanquesa de longa trajectória profissional no mundo da cançom, que costuma incluir no seu repertório músicas galegas e portuguesas.

Domingo 26 de Setembro, às 12:30 horas

Domingo Gastronómico. Jantar popular após a mobilizaçom em defesa do sector naval que nessa mesma manhá sairá às 12:00 horas do Inferninho.

E às 20:00 horas, actuaçom do Trio de Corda, encerrando-se a programaçom do sexto aniversário da Fundaçom Artábria.

 

Voltar à página principal