AGIR chama o estudantado a respaldar a candidatura de NÓS-UP

9 de Junho de 2004

Reproduzimos na íntegra o comunicado feito público pola organizaçom estudantil independentista, AGIR, em apoio à candidatura de NÓS-Unidade Popular nas eleiçons de domingo:

Comunicado do Conselho Nacional de AGIR
AGIR chama a respaldar a candidatura de NÓS-UP

De AGIR, organizaçom do estudantado da esquerda independentista, queremos anunciar o nosso apoio à candidatura da organizaçom política NÓS-Unidade Popular às eleiçons ao Parlamento Europeu. A nossa organizaçom já mostrou a sua aposta pola lista de NÓS-UP colaborando activamente na recolha das 20000 assinaturas que figérom possível a candidatura independentista nas eleiçons de 13 de Junho.

Neste momento de falsa democracia em que o Estado ilegaliza forças populares, o nosso país necessita umha voz própria de resistência, que construa Galiza com atitude honesta e sob os valores de identidade nacional, da esquerda e feministas. Apelamos ao voto para umha candidatura em que o estudantado e a juventude que combatêrom nas ruas galegas as reformas educativas do Partido Popular tem um papel protagonista.

É por isto que, seguindo umha resoluçom da nossa IV Assembleia Nacional, e pola ética e coerência de NÓS-UP com o povo trabalhador galego, fazemos um chamado ao conjunto da mocidade e estudantado galego para respaldar a candidatura da esquerda independentista galega, a candidatura de NÓS-UP.

Galiza Livre na Europa!
Vota independentista, vota NÓS-UP!

Galiza, Junho de 2004

 

Voltar à página principal