Esclarecimento do nosso Partido em relaçom com manipulaçom informativa aparecida no portal Galizalivre

Nom é a nossa intençom iniciar qualquer polémica com um meio informativo dito alternativo e independentista galego como é o portal Galizalivre. Porém, nom podemos deixar de desmentir a notícia falsa difundida polo citado portal, segundo a qual o nosso partido estaria a ponto de criar a sua própria organizaçom juvenil.

A "informaçom", carente de qualquer rigor, foi situada no passado dia 22 de Setembro como manchete nesse portal, sem apresentar em nengum momento umha só fonte que a justifique. E isso apesar de ser bem conhecida polos redactores/as de Galizalivre a via para contactar com o nosso Partido e assim esclarecer qualquer dúvida ou confirmar supostas "exclusivas" como a que, de maneira tam pouco rigorosa, pendurárom na página principal do seu portal.

Certamente, Primeira Linha conhece as manobras com que a imprensa afecta ao regime pretende periodicamente desestabilizar movimentos anti-sistema como o representado pola nossa esquerda independentista. Mas resulta supreendente que um meio como Galizalivre realize também ensaios do pior sensacionalismo jornalístico e carentes do mais mínimo sustento real.

O respeito que merece qualquer entidade da nossa esquerda independentista e, sobretodo, a audiência do próprio portal Galizalivre, exigem umha rectificaçom por parte dos seus responsáveis. Só assim poderám, o portal e a empresa editora do mesmo, evitar ser riscados de intoxicadores.

Nom entraremos a julgar outras desafortunadas e difamatórias afirmaçons e insultos dirigidos ao nosso Partido nessa suposta "informaçom". Deixamos que sejam as leitoras e leitores de Galizalivre quem avaliem o seu grau de objectividade ou tendenciosidade.

Já para concluir, e esperando nom ter que perder um só minuto mais rectificando absurdas "exclusivas", garantimos aos redactores e redactoras do portal Galizalivre que, quando realmente o nosso Partido decidir constituir a sua própria organizaçom juvenil, serám @s primeir@s a ser pontualmente informad@s do acontecimento.

Conselho de Redacçom de Primeira Linha em Rede
Galiza, 23 de Setembro de 2004


Voltar à página principal