Apelo de Fala Ceive para a doaçom de livros em galego a bibliotecas do Berzo

20 de Agosto de 2004

A Associaçom Cultural Fala Ceive do Berzo, dentro do seu trabalho de promoçom e defesa da língua galego-portuguesa nessa comarca excluída da Galiza administrativa, está a promover a doaçom de livros a bibliotecas públicas e centros de ensino em que já se ensina a nossa língua. Os livros costumam chegar das doaçons de diversas entidades (associaçons culturais e fundaçons, editoras, sindicatos e organizaçons diversas) e pessoas individuais ao longo do ano.

No próximo mês, Fala Ceive tem prevista a entrega de por volta dos 60 livros a umha nova biblioteca pública, nalgum dos concelhos do Berzo ocidental. Com tal motivo, a Associaçom fijo público um chamado solicitando a colaboraçom de todos os galegos e galegas, entidades e particulares, para poder continuar avante com este programa de achegamento do produto editorial galego às bibliotecas públicas desta comarca galegófona. Em troca da doaçom, Fala Ceive costuma solicitar da biblioteca em questom o compromisso de dedicar um tanto por cento dos seus fundos destinados à compra de livros a títulos editados na nossa língua.

No caso de quereres participar, podes ligar para Fala Ceive nos seguintes endereços:

- Fala Ceive. Apartado 257. 24.400. Ponferrada.

- Tlf. 655 150 651

- Correios electrónicos: falaceibe@yahoo.es ou obierzoxa@lycos.es

Admitem-se todo o tipo de livros e publicaçons (revistas, jornais, etc...) em bom estado e de qualquer género: narrativa, teatro, poesia, ensaio, etc...

 

Voltar à página principal