Positiva resposta à convocatória unitária proposta polas Bases Democráticas Galegas no Dia da Pátria '04

26 de Julho de 2004

A convocatória das Bases Democráticas Galegas, apoiada por NÓS-UP, FPG, CUT, PCPG e umha série de organizaçons sociais diversas, reuniu por volta do milhar e meio de pessoas nas ruas de Compostela com motivo do Dia da Pátria.

Tal como nas anteriores mobilizaçons unitárias de 1999 e 2000, demonstrou-se que a mobilizaçom conjunta consegue congregar mais do que a soma de cada manifestaçom por separado, tendo um efeito significativo no aumento da capacidade de convocatória.

A animada manifestaçom de ontem nas ruas da capital galega contou também com a presença de delegaçons internacionais convidadas por NÓS-UP, procedentes de Euskal Herria, Países Cataláns, Portugal e Castela, que de tarde participárom num acto político dedicado a analisar a estratégia conjunta dos diversos povos frente à Constituiçom europeia. O acto inscreveu-se na já tradicional Festa-Jantar organizada por NÓS-UP na compostelana praça de Maçarelos.

O nosso Partido participou com faixa própria na manifestaçom da manhá, que concluiu na praça do Toral com a leitura do manifesto das Bases Democráticas Galegas por parte do seu porta-voz, o sindicalista Bráulio Amaro. A base social congregada na citada praça coreou palavras de ordem favoráveis à unidade, existindo um assentimento geral quanto à necessidade de dar continuidade à iniciativa autodeterminista do Dia da Pátria.

A seguir, mostramos algumhas imagens da participaçom do nosso Partido na mobilizaçom patriótica e no Jantar-Festa da tarde na praça de Maçarelos, onde estivérom expostos numha banca materiais diversos editados por Primeira Linha.

Voltar à página principal

 

 

Imagem da mesa de representantes que protagonizárom o debate sobre a Constituiçom Europeia. De esquerda a direita: Vicent Conca (MDT, Países Cataláns), J. L. de las Heras (IC, Castela), Francisco Martins (PO, Portugal), Bruno Lopes (NÓS-UP), Carlos Morais (NÓS-UP), Joseba Permach (Batasuna, EH) e Jaume Soler (Endavant, Países Cataláns)