NÓS-Unidade Popular lamenta a grande perda que para a Galiza supom a morte de Manuel Maria

NÓS-UP difundiu a sua lembrança ao grande autor literário e patriota Manuel Maria, umha das principais figuras literárias da Galiza do século XX. Reproduzimos o comunicado na íntegra ao tempo que aproveitamos para manifestar a adesom de Primeira Linha em Rede às numerosas condolências que entidades populares de todo o tipo tenhem divulgado nestes dias.

NÓS-Unidade Popular lamenta a grande perda que para a Galiza supom a morte de Manuel Maria

NÓS-Unidade Popular quer manifestar publicamente o seu pesar polo falecimento de um dos grandes da nossa literatura nacional, Manuel Maria, cuja entrega e qualidade artística é só igualada polo seu compromisso com a causa da Galiza.

Incansável defensor dos nossos direitos lingüísticos, activista político e cultural, criador e cultivador de todos os géneros literários, o seu talento literário estivo sempre de maneira explícita ao serviço de construir umha Pátria, como ele próprio afirmou num poemário já em 1977.

O seu apoio à causa da libertaçom nacional galega levou-no a conhecer a repressom, mas o Estado espanhol nom pudo nunca condená-lo ao ostracismo. Graças a escritores e escritoras como Manuel Maria, a Galiza conta com umha literatura nacional, tendo contribuído também para a defesa e divulgaçom do próprio reintegracionismo com gestos práticos como a publicaçom de um poemário escrito em galego plenamente reintegrado há já vinte anos, em 1984.

A nossa saudosa lembrança para o grande poeta e patriota, nestas tristes horas.

Permanente Nacional de NÓS-UP
Galiza, 10 de Setembro de 2004

 

Voltar à página principal