NÓS-UP, Batasuna e Endavant (OSAN) apresentárom a alternativa independentista à Constituiçom europeia e às reformas estatutárias autonomistas

19 de Outubro de 2004

Tal como informamos no passado sábado, NÓS-UP, Batasuna e Endavant (OSAN) apresentárom aos meios de comunicaçom um manifesto em que se define alternativa proposta polas organizaçons independentistas e de esquerdas galega, basca e catalá em meio das diversas propostas autonomistas de reformas estatutárias acordes com a Constituiçom espanhola. Representantes das três organizaçons políticas expugérom o conteúdo da proposta, única que realmente propugna umha ruptura com a dependência e o autonomismo, reclamando a plena soberania para os povos sem estado submetidos polo Estado espanhol.

Maurício Castro, da Direcçom Nacional de NÓS-UP, Ainara Armendáriz, ex-deputada de Batasuna em Nafarroa, e Francesc Armengol, porta-voz de Endavant (OSAN), fôrom os encarregados de apresentar publicamente em Barcelona (PPCC) o histórico documento autodeterminista, que visa a superaçom do esgotado modelo autonómico e a abertura de umha nova etapa de soberania nacional para a Galiza, Euskal Herria e Paísos Cataláns. O nom ao modelo de construçom europeia do Capital fica também incluído no espírito do manifesto independentista, que será difundido nas três naçons durante os próximos meses como parte da campanha polo NOM à Constituiçom europeia e contra as falsas reformas estatutárias que pretendem deixar todo como está na prisom de povos chamada "Espanha".

NÓS-UP participou também num debate público em Vila Franca do Penedès, juntamente com as outras duas forças assinantes do documento, intitulado "Pola independência dos Povos numha Europa dos Povos". Maurício Castro, Jaume Soler e Iñaki Gil de San Vicente expugérom ante centenar e meio de pessoas a importáncia do manifesto conjunto, debatendo sobre "A crise do Estado espanhol e as alternativas da Esquerda independentista".

Também a delegaçom de NÓS-UP estivo na manifestaçom convocada por Endavant (OSAN) no quadro da sua 3ª Festa pola Independência, desenvolvida durante todo o fim de semana em Vila Franca del Penedès.

Mais informaçom sobre a presença de NÓS-UP neste fim de semana nos Países Cataláns no web nacional de NÓS-Unidade Popular.

:: Mais informaçons sobre o manifesto "Pola independência dos Povos numha Europa dos Povos"

- Batasuna, Endavant (OSAN) e NÓS-UP apresentam em Vilafranca del Penedès o manifesto "Pola independência dos Povos numha Europa dos Povos" (+...)

Voltar à página principal

 

 

Um instante da conferência de imprensa oferecida em Barcelona por Maurício Castro, Ainara Armendáriz e Francesc Armengol, representantes de NÓS-UP, Batasuna e Endavant (OSAN) respectivamente
NÓS-UP, Endavant (OSAN) e Batasuna protagonizárom um interessante acto político sobre a crise do Estado espanhol e a alternativa independentista às reformas estatutárias actualmente a debate
A delegaçom independentista galega, formada por Bruno Lopes Teixeiro e Maurício Castro, participou também na manifestaçom convocada em Vila Franca del Penedès por Endavant (OSAN)