Esquerda independentista galega parabeniza forças revolucionárias venezuelanas

23 de Agosto de 2004

NÓS-Unidade Popular fijo público um comunicado em que expressou a satisfaçom da esquerda independentista galega pola vitória bolivariana no referendo do passado dia 15 de Agosto. A seguir, reproduzimos o comunicado de NÓS-UP, que pode ser consultado no seu web nacional junto da declaraçom de apoio anterior ao mesmo referendo.

NÓS-Unidade Popular quer aderir ao resto de organizaçons revolucionárias do mundo que nestes dias nos congratulamos pola vitória da esquerda venzuelana

O resultado do referendo do passado dia 15 de Agosto na Venezuela foi bem claro; venceu Chávez, venceu a Revoluçom Bolivariana, venceu o Povo Trabalhador da Venezuela.

Após nove vitórias eleitorais consecutivas, o processo revolucionário venezuelano continua imparável ante a alegria da esquerda mundial e o medo pánico da burguesia americana que olha com assombro como se consolidam o poder popular e a soberania nacional na Venezuela. Nem todos os milhons de dólares com os que os EUA financiam a chamada "Coordenadora Democrática", nem os corruptos meios de comunicaçom privados, nem as coacçons da reacçom durante a jornada eleitoral pudérom conter a demolidora resposta popular de 15 de Agosto.

Enquanto a angústia e a desesperaçom invadem as fileiras da oposiçom, o projecto revolucionário renova as suas forças, abre novas perspectivas transformadoras e consolida-se como exemplo e referente para os povos em luita pola emancipaçom nacional e social de género. Dia após dia, na Venezuela, demonstra-se que no mundo capitalista do século XXI @s oprimid@s podemos derrotar o inimigo e construir as ferramentas que devolvam o poder ao povo trabalhador.

NÓS-Unidade Popular quer aderir ao resto de organizaçons revolucionárias do mundo que nestes dias nos congratulamos pola vitória da esquerda venzuelana sobre a oposiçom propriedade da oligarquia subalterna dos interesses norte-americanos. Ao presidente Hugo Chávez Frias, à militáncia bolivariana, ao povo revolucionário venezuelano, transmitimos os nossos parabéns.

 

Voltar à página principal