Nascem iniciativas de trabalho juvenil independentista a nível comarcal

20 de Agosto de 2004

Nestas semanas, estamos assistindo ao nascimento de colectivos juvenis em distintas comarcas do País. A primeira é o de Ortigueira, onde acaba de constituir-se o colectivo Movimento Independentista do Ortegal, produto da iniciativa de vári@s moç@s do Concelho de Ortigueira que pretendem nos próximos dias alargar a iniciativa a outros concelhos da comarca, como Carinho, Cerdido, Cedeira ou Manhom.

Tal como afirma o colectivo juvenil no seu manifesto de apresentaçom, "O Movimento Independentista do Ortegal é umha organizaçom independentista e de esquerda, aberta à mocidade trabalhadora e ao estudantado".

O colectivo reclama-se continuador do trabalho desenvolvido nos últimos anos pola organizaçom estudantil independentista AGIR no IES Ortigueira, já que com a constituiçom do colectivo juvenil pretendem levar a luita "diária, directa e sem medo contra o capitalismo espanhol que invade a nossa naçom e quer destruir-nos como povo" do centro de estudos às ruas das vilas da comarca do Ortegal.

Também na Marinha, e concretamente nas vilas de Viveiro, Burela e Ribadeu, estám tendo lugar conversas encaminhadas a constituir um colectivo juvenil comarcal da esquerda independentista.

 

Voltar à página principal