XVIII Festival da Poesia do Condado em defesa das liberdades

15 de Agosto de 2004

O Festival da Poesia do Condado atinge a ediçom número dezoito, como sempre livre de dependências institucionais e a reivindicar ideias como a liberdade de expressom, a autodeterminaçom, o feminismo, a dignidade no trabalho, a defesa da língua, o ensino e sanidade públicos e de qualidade,...

Nesta ocasiom, a Sociedade Cultural e Desportiva do Condado centra o Festival na defesa das liberdades, exigindo o respeito polas mesmas por parte das diversas instituiçons e poderes num momento em que é indispensável a acçom social.

O festival decorrerá em Salvaterra entre 2 e 4 de Setembro. Incluirá a exposiçom de onze artistas, artesás e artesaos; a II Jornada do Audiovisual Galego; concertos, roteiros e outras actividades paralelas. Nesta ocasiom, a SCD do Condado contará com a colaboraçom da Associaçom Cultural Galeguiza, que organiza um roteiro pola comarca para conhecer os espaços afectados polo projecto de barragens no Minho. Para o Festival e o roteiro habilitará-se um espaço de acampamento ao pé do rio Minho, que poderá utilizar-se de forma livre.

Recomendamos a visita ao web da entidade organizadora para conhecer a fundo os conteúdos do Festival, e a participaçom no mesmo, um dos mais tradicionais e socialmente comprometidos da nossa naçom.

Voltar à página principal