Guerrilha iraquiana causa perdas milionárias no sector petroleiro

12 de Setembro de 2004

A Companhia de Petróleo do Sul do Iraque perdeu 600 milhons de dólares só nas três últimas semanas devido a ataques da resistência à ocupaçom, segundo informou o diário internacional árabe Al Hayat. A notícia cita um director da empresa que pediu que o seu nome nom fosse citado.

As 32 acçons da resistência alvejárom oleodutos e outras instalaçons, afectando a produçom e o transporte. Segundo a fonte do Al Hayat, a maior parte empregou artefactos explosivos.

O executivo declarou que "os danos causados polas sabotagens serám reparados com o implemento de um plano de modernizaçom da rede de oleodutos que transporta óleo das jazidas do sul do país para os terminais de exportaçom".

O projecto, orçado em 250 milhons, inclui a ampliaçom das áreas de extracçom, visando chegar em 2005 a umha produçom de três milhons de barris por dia. Segundo o jornal, a empresa estuda a construçom de novos terminais de exportaçom, na costa do Golfo Pérsico, pois os existentes nos portos de Bakr e Al Amiya, perto de Bassorá, nom suportariam um incremento da produçom.

As acçons guerrilheiras mais recentes contra instalaçons petrolíferas fôrom executadas por seguidores do clérigo xiita Moqtada al Sadr, que sofrêrom nas últimas semanas umha ofensiva por parte das tropas de ocupaçom, na cidade de Najaf, que causou um grande número de vítimas civis iraquianas e a destruiçom da cidade sagrada.

Informaçom tirada do Portal Vermelho brasileiro

Voltar à página principal

 

 

Soldado ianque risca a legenda "Down USA" numha rua iraquiana