NÓS-UP manifesta moderada satisfaçom polos resultados atingidos o 13 de Junho
Comunicado Nacional de Imprensa
NÓS-UP manifesta moderada satisfaçom polos resultados atingidos o 13J
NÓS-Unidade
Popular considera satisfatório o resultado eleitoral atingido ontem
nas eleiçons ao Parlamento Europeu, 1.308 votos na Galiza e 2.571 no
conjunto do Estado espanhol. Com esta estreia eleitoral, mantemos a percentagem
habitual que outras forças de parámetros similares atingem nos
diversos processos eleitorais. NÓS-UP mantém os 0.12% de apoio
eleitoral da esquerda independentista.
Logramos contar
com mais votos na Galiza que no resto do Estado e evitar que falsas alternativas
com o centro de gravidade fora da Galiza obtivessem melhor resultado. Com
este modesto referente eleitoral, a esquerda independentista do século
XXI conta com um ponto de partida, com um mínimo espaço eleitoral,
sobre o que continuar construindo a alternativa ao serviço da naçom
galega, das suas classes trabalhadoras, da juventude e as mulheres.
Para o novo independentismo,
este processo eleitoral, tal como manifestamos ao longo da pré-campanha
e da campanha, estava concebido como um ensaio, como a imprescindível
ginástica política que permitisse dotar-nos da mínima
experiência com que afrontar futuros processos eleitorais, nomeadamente
as Autonómicas de Outubro de 2005. Qualquer valorizaçom rigorosa
sobre os resultados nom pode desconsiderar esta premissa, assim como o desvantajoso
ponto de partida com que jogávamos ao carecermos de meios económicos
e do acesso aos meios de comunicaçom que optárom por invisibilizar
a existência de umha única candidatura galega, de esquerdas e
feminista.
Porém, a recolha de perto de 22.000 assinaturas em dez dias, o acerto
da orientaçom gráfica e do estilo de campanha realizada, atingindo
a referencialidade social negada polos meios, o apoio internacionalista emprestado
à candidatura de HZ ilegalizada polo Estado espanhol, som as outras
três coordenadas inevitáveis à hora de poder avaliar com
rigor os resultados atingidos. NÓS-UP está orgulhosa de ter
realizado a melhor campanha eleitoral da esquerda independentista de toda
a história. Nestes últimos trinta dias avançamos mais
socialmente, em prestígio e reconhecimento, do que em todos os últimos
anos anteriores juntos.
Com esta campanha,
manifestamos a firme e decidida vontade do conjunto do MLNG de continuar a
avançar na superaçom do testemunhalismo e dos complexos que
arrasta. Conseguimos chegar a dezenas de milhares de trabalhadoras/es, jovens
e mulheres que nom nos conheciam; fomos capazes de romper interesseiras visons
construídas por inimigos e adversários; manifestamos que temos
vocaçom de ser um movimento de massas ao serviço da maioria
social; que queremos ser um sujeito activo na defesa da Galiza, do povo trabalhador
e das mulheres.
Há que
enquadrár os resultados numhas eleiçons caracterizadas pola
elevada abstençom, em que a maioria do povo galego optou por nom participar.
52.91% d@s galeg@s da CAG com direito a votar inclinárom-se pola abstençom,
ou seja 1.223.680 pessoas, maioritariamente jovens e classe trabalhadora,
prefirírom nom participar neste processo eleitoral, deslegitimando
assim a actual orientaçom da construiçom desta Uniom Europeia
ao serviço dos Estados, o Capital, o Patriarcado e a Guerra.
As eleiçons
na CAG confirmam o descalabro do autonomismo que perde 2/3 partes dos seus
votos, passando dos 21.98 % atingindo em 1999 para os 12.81%, e mantendo o
seu eurodeputado unicamente graças aos votos da direita basca e catalá.
Manifestam o lentíssimo desgaste do PP e a tendência alcista
do PSOE.
Os resultados
confirmam o declínio eleitoral do autonomismo e a urgente necessidade
de evitar que a resignaçom se instale entre amplos sectores do nacionalismo
de esquerda.
NÓS-UP quer agradecer a tod@s @s trabalhadoras/es e jovens que na CAG,
a tod@s @s emigrantes galeg@s dispers@s polo Estado, a confiança depositada,
e aos colaboradores e colaboradoras, amig@s e simpatizantes o esforço
realizado nestas intensíssimas semanas.
Permanente Nacional de NÓS-UP
Galiza, 14 de
Junho de 2004