NÓS-UP participa nos Encontros Internacionais "A esquerda nas portas da Europa"

[INformaçom tirada do web de NÓS-Unidade Popular]

17 de Junho de 2004

Umha delegaçom da Direcçom Nacional de NÓS-UP conformada por Bruno Lopes Teixeiro, Carlos Morais e André Seoane Antelo vai assistir aos Encontros Internacionais que sob a legenda "A esquerda nas portas da Europa" organiza Batasuna na localidade de Sokoa, em Iparralde (País Basco).

O objectivo destes encontros em que está prevista a participaçom de várias dúzias de organizaçons independentistas e socialistas da Europa e de outras partes do planeta é "pôr em andamento umha iniciativa que afortale umha alternativa socialista d@s trabalhadores/as e dos povos da Europa".

Entre as diversas propostas que se vam debater figuram a possibilidade de constituir um "movimento político europeu que defenda claramente um projecto socialista para a Europa nas vindouras eleiçons europeias de 2009", a criaçom de umha publicaçom como "um órgao político comum para contribuir para o debate, o intercámbio de ideias e de dinámicas", e a elaboraçom conjunta da agenda de trabalho e movimentaçom para o curso 2004-2005, especialmente a reuniom do Foro Social Europeu de Londres e as CIG que se celebrem neste período.

Os Encontros desenvolverám-se entre o 17 e o 19 de Junho e constarám de um debate articulado sobre quatro teses:

1º- A luita de classes na nova Uniom Europeia: "Umha estartégia sindical para a construçom europeia".

2º- A luita em prol da "identidade" na nova Uniom Europeia: "A luita polas liberdades das naçons oprimidas. um compromisso revolucionário".

3º- A repressom de Estado na nova Uniom Europeia.

4º- O Pacto Constitucional da nova Uniom Europeia: "Constituiçom europeia e neoliberalismo europeu".

Para mais informaçom consulte-se www.ezkerraeuropan.com

 

Voltar à página principal