Agir organiza hoje em Compostela mesa redonda sobre "Mulher e música tradicional"

20 de Outubro de 2004

Tal e como informa no seu renovado sítio web, a organizaçom estudantil da esquerda independentista, AGIR, organiza hoje mesmo um debate sobre Mulher e Música Tradicional, que decorrerá em Compostela, na sala 1 da Faculdade de Arte, Geografia e História a partir das 19:00 horas.

É a segunda vez que AGIR promove um debate destas características, já que no passado mês de Março se realizava a primeira parte com um objectivo muito claro para as organizadoras: "aprofundar, analisar e dignificar o papel fundamental que tenhem e tivérom as mulheres ao longo do processo histórico da criaçom e recriaçom da nossa música tradicional".

Três especialistas na questom participam no acto promovido polas estudantes independentistas galegas:

Olga Kirk (Cantareira e instrumentista de Route e membro da Associaçom Cultural Donaire)

Maria José Silvar (Membro da Associaçom Cultural Arestora e cantareira de Algareiras)

Ugia Pedreira (Directora do conservatório de música tradicional e folc de Lalim)

AGIR tem previsto também pendurar as intervençons na secçom de documentos audiovisuais do seu web.

 

Voltar à página principal