NÓS-UP solidariza-se com membro de Nunca Mais julgado em Lugo

10 de Junho de 2004

NÓS-Unidade Popular solidarizou-se publicamente com Bernaldo Valdês Paços, julgado ontem em Lugo a partir de umha acusaçom de agressom contra membros da escolta do dirigente do PP Mariano Rajoi em 2003. A acusaçom remonta à visita do que era vice-presidente espanhol à cidade das muralhas durante a crise do Prestige, e o fiscal pediu um ano e dous meses de prisom mais 400 euros de multa por uns factos que Valdês Paços negou ter protagonizado. A acusaçom baseou-se na declaraçom de vários polícias, enquanto a defesa achegou testemunhos que rebatêrom a alegada agressom.

NÓS-Unidade Popular emitiu um comunicado em apoio ao acusado, enquanto o cabeça de lista da candidatura independentistas às Eleiçons europeias, Maurício Castro, se dirigiu também a Bernaldo Valdês para lhe transmitir a sua solidariedade ante este processo repressivo.

 

Voltar à página principal