NÓS-Unidade Popular convoca III Assembleia Nacional para 11 e 12 de Junho em Ferrol

13 de Abril de 2005

A Permanente Nacional de NÓS-UP difundiu um comunicado em que informa do processo pré-assemblear em que se acha imersa a organizaçom unitária da esquerda independentista, e que culminará com a realizaçom da III Assembleia Nacional, de carácter ordinário, nos dias 11 e 12 de Junho.

Se a Assembleia Fundacional decorrera na capital galega e a segunda na Corunha, desta vez será a cidade de Ferrol que acolha a reuniom do máximo organismo de NÓS-UP, sob a legenda de "Ao serviço do Povo Trabalhador Galego".

Segundo a informaçom da própria Permanente Nacional, "as teses a debate desta III Assembleia Nacional centram-se em analisar e adequar a táctica política da esquerda independentista galega à nova conjuntura aberta no Estado espanhol com a susbtituiçom do PP polo PSOE no governo".

A filiaçom de NÓS-UP analisará também o "fraudulento debate sobre a reforma do Estado e a negativa do conjunto das forças políticas espanholas e autonomistas a reconhecer o exercício do direito de autodeterminaçom, assim como a imprescindível impulso à construçom de um amplo espaço político autodeterminista".

As mudanças da estrutura sócio-económica galega e o processo de substituiçom lingüística que o nosso povo padece serám outros dous temas abordados em profundidade e com a perspectiva da actuaçom independentista nesses campos.

Pode ler-se na íntegra o comunicado emitido pola Permanente Nacional de NÓS-UP sobre este tema no web nacional da organizaçom soberanista e socialista galega.

 

Voltar à página principal