2001: V Jornadas Independentistas Galegas. Combatendo a globalizaçom capitalista

23 a 25 de Abril. Faculdade de Filosofia, Psicologia e CC. da Educaçom (Compostela)

Neste ano, a realizaçom das V Jornadas Independentistas Galegas coincide com o V aniversário do nascimento de Primeira Linha (Movimento de Libertaçom Nacional), germe do Partido Comunista patriótico.

Combatendo a globalizaçom capitalista. Luita nacional e internacionalismo no século XXI é a legenda com que nesta ocasiom realizamos umhas Jornadas que já se convertêrom num inescusável referente de debate e análise político-ideológica para a esquerda independentista da Galiza.

A teoria revolucionária, o método científico marxista de análise e compreensom das leis de funcionamento das estruturas sociais, continua a ser para @s comunistas galeg@s o nosso guia prático para o agir diário, para umha correcta intervençom política que permita avançar no caminho da liberdade nacional e a transformaçom social.

A vigência e ineludível necessidade do modelo de Partido e de Revoluçom que Vladímir Illich "Lenine" teoriza no Que fazer? e em O Estado e a Revoluçom, o conhecimento de outras realidades de que aprender como a luita independentista e socialista dos Països Cataláns, e umha profunda análise da actual fase imperialista do capitalismo -a denominada globalizaçom-, configuram o programa das V Jornadas Independentistas Galegas.

Aguardamos que sejam de utilidade para o conjunto das mulheres e dos homens deste país que contra vento e maré, frente à ofensiva da besta imperialista e reaccionária espanhola, do capitalismo internacional, nos achamos embarcad@s, -armad@s de ilusom e razom-, na fase final do processo de unidade orgánica do independentismo para dotarmos esta Naçom e o conjunto do seu povo trabalhador de umha ferramenta de luita e combate pola democracia e a liberdade, contra tanta miséria, opressom e exploraçom.

Galiza, Abril de 2001

 

Programa

Compostela

Segunda-feira 23 de Abril: Apresentaçom de Que fazer? e O Estado e a Revoluçom (Abrente Editora). Carlos Morais (secretário geral de Primeira Linha-MLN)

Terça-feira 24 de Abril: A luita independentista e socialista nos Països Cataláns. Albert Hirujo (Executiva Nacional de Endavant-OSAN)

Quarta-feira 25 de Abril: A Globalizaçom Capitalista. Iñaki Gil de San Vicente (comunista basco e membro da Rede Basca Vermelha)

 

 

Voltar à página principal