Adiado julgamento a seis filiados trasanqueses de NÓS-Unidade Popular
26 de Fevereiro de 2005
O web nacional de NÓS-Unidade Popular informa do adiamento do julgamento aos seis filados da comarca de Trasancos acusados de "lesons" por Juan Fernández (vice-presidente da Cámara de Ferrol e dirigente de Independentes por Ferrol) e o seu filho. A acusaçom foi promovida pola Polícia espanhola, que entregou umha listagem com os nomes de seis independentistas mais umha sétima pessoa que a polícia relacionou erradamente com NÓS-UP, com o intuito, em palavras de NÓS-UP, de "carregar-lhes o morto", ao nom conseguir localizar os autores do lançamento de ovos ao dirigente da direita espanhola em Ferrol e de umha suposta agressom ao filho.
Agora a juíza do julgado nº 5 adiou o julgamento, depois de que a advogada da acusaçom anunciou a intençom do próprio Juan Fernández de apresentar umha nova denúncia, reclamando umha requalificaçom como “delito de atentado” dos acontecimentos do dia 26 de Setembro passado, durante a manifestaçom obreira em defesa do sector naval.
NÓS-UP informa no seu web de que um grupo de filiad@s e simpatizantes de NÓS-UP se concentrou ante os julgados ferrolanos para denunciar a motivaçom política do julgamento, "carente de qualquer base provatória e, apesar disso, adiado para possibilitar um pedido de condena previsivelmente maior ao passar a ser qualificado como “delito” o que até agora era umha “falta”.
:: Mais informaçons sobre o mesmo tema
- NÓS-UP denuncia em conferência de imprensa processos repressivos contra a esquerda independentista (+...)
- NÓS-Unidade Popular denuncia umha nova montagem policial contra a militáncia independentista em Ferrol (+...)
- Dezenas de milhares em defesa do emprego em Ferrol (+...)
- NÓS-UP anuncia que participará na mobilizaçom de domingo em Ferrol, denunciando o colaboracionismo entre as direcçons sindicais, PP e PSOE (+...)
- AGIR adere à manifestaçom em defesa da construçom naval pública (+...)
- Mobilizaçons operárias no Condado e Trasancos (+...)
- PP, PSOE, IF, BNG e IU condenam conjuntamente a reacçom d@s operári@s de IZAR frente à provocaçom de Juan Fernández (+...)
- O tenente de alcaide de Ferrol paga a sua prepotência ante trabalhadoras/es de IZAR (+...)