Convocatória popular para constituir plataforma contra desfile militar espanhol na Corunha no Dia das Forças Armadas

22 de Março de 2005

Na passada quinta-feira, dia 17 de Março, decorreu na capital galega umha primeira reuniom em regime de autoconvocatória para constituir umha plataforma aberta, plural e nacional que faga frente ao desfile militar espanhol previsto para o chamado "Dia das Forças Armadas" na cidade da Corunha.

As Bases Democráticas Galegas, as Redes Escarlata, AGIR, BRIGA, NÓS-Unidade Popular, PCPG e PRT-ER participárom no primeiro encontro, em que se decidiu articular conjuntamente umha resposta popular tam ampla quanto possível, que culmine com umha mobilizaçom na Corunha contra o militarismo e a presença do exército espanhol.

As entidades participantes na iniciativa mantenhem abertas as portas a novas incorporaçons por parte doutras entidades antes de realizar umha segunda assembleia em que seja aprovado um manifesto conjunto e outros pormenores relativos à campanha antimilitarista que culminará no dia 28 de Maio, data marcada para o desfile militar espanhol na Corunha.

A seguinte reuniom foi marcada para o dia 22 de Março, terça-feira, polas 19 horas, no centro social Henriqueta Outeiro (rua Quiroga Palácios, 7) de compostela. Esperamos poder informar proximamente do desenvolvimento desta iniciativa popular antimilitarista.

 

:: Mais informaçons sobre o mesmo tema

NÓS-UP rechaça Dia das FFAA espanholas na Corunha (+...)

 

Voltar à página principal